Nagu Saabsan
Xisbiga ILAYS, waa Xisbi Siyaasi ah oo doonaya inuu hogaanka dalka ku gaaro doorasho xor ah oo ku timaada rabitaanka dadka soomaaliyeed ama wakiilladooda, horseedna wuxuu u noqonayaa hoggaan saldhiggiisu yahay caddaalad, wada-tashi, isu-tanaasul iyo maamul wanaag.
Xisbiga asigoo cuskanayo mabaadii’da diinta Islaamka ee xaniifka ah, kana amba qaadaya dhaqanka ummadda Soomaaliyeed, kana faa’iideysanaya sooyaalka taariikhda siyaasadeed ee dalka, waxuu u hormarinayaa dhismaha bulsho ku naaloota iftiin iyo ififaalo qaran, ku dhaqanta mabaadii’da dowladnimo ee ku saleysan sharciga iyo nidaamka dimoqraadiga ah.
Ujeeddada Xisbiga
- ka shaqaynta Maamul wanaagga, cadaaladda iyo nabadgalyada iyo sarreynta sharciga, iyo soo celinta kala danbaynta iyo midnimada soomaaliyeed.
- Hormarinta kaabayaasha dhaqaalaha, caafimaadka, waxbarashada iyo ilaalinta bii’ada iyo deegaanka.
- Daryeelka bulshada soomaaliyeed ee qaba baahiyada gaarka ah, sida naafada, haweenka, waayeelka iyo caruurta.
- Abuuridda iyo horumarinta siyaasad ku dhisan dhaqan wanaag, wadatashi iyo is ixtiraam.
- La dagaalanka musuqmaasuqa , ku takarfalka awoodda, qabyaaladda, eexda iyo nin jeclaysiga.
- La dhiso hay’ado hirgeliya baahinta dhaqanka nabadda, wada tashiga, maamul wanaagga, u hoggaansanaanta sharciga, madaxbannaanida garsoorka, la dagaallanka musuqmaasuqa, iyo ku tagrifalka awoodaha dowladnimada.
- Xoojinta xiriirka walaaltinimo ee ummadda soomaliyeed dhexdeeda ah ,iyo kuwa xisbiyada soomaliyeed iyo dalalka dunida.
- Ilaalinta xuquuqda muwaadainiinta Somaaliyeed.
Mabaadi'da Guud
- Xisbiga mabaadi’diisu iyo xeerkiisa waxaa saldhig u ah shareecada islaamka iyo dastuurka iyo shuruucda dalka.
- Wuxuu aaminsanyahay, ilaalinayaana midnimada Jamhuuriyadda Federalka Soomaaliya, si waafaqsan nidaamka federalka .
- Wuxuu ilaalinayaa caddaaladda, sinnaanta & sarreynta sharciga.
- Wuxuu dhiirigelinayaa in ay dalka ka hirgasho doorasho xor ah oo cadaalad ku dhisan.
- Wuxuu kobcinayaa dhaqaalaha dalka dhiirigelinayaana lahaanshaha gaarka ah & suuqa xorta ah si’ay ummaddu u wada gaarto horumar iyo nolol tayo heer sare ah leh.
- Wuxuu ilaalinayaa nabad kuwada noolaanshaha Ummadda Soomaaliyeed, deriskeeda & caalamka intiisa kaleba.
- Xisbigu wuxuu ogolyahay xorriyada ra’yiga, wada tashiga iyo wada doodidda.
- Xisbigu wuxuu ogolyahay xuquuq kasta oo dastuurlka siiyay haweenka dhinaca siyaasadda, bulshada iyo Maamulkaba.
- Xisbugu wuxuu aaminsan yahay in lagu xaliyo khilaafaadka Ummadda dhexdeeda ah qaab nabad iyo wada xaajood ah.
- Xisbigu wuxuu dhiiragalinayaa nidaamdka Federalka Somali iyo baahinta awooda, iyo nidaamka maamul wanaaga.
- Xisbigu wuxuu la dagaalamayaa afkaarta xun iyo xag-jirnimada.
- Xisbugu wuxuu ka soo horjeedaa siyaasadaha ku dhisan xooga, caburinta iyo qabyaaladda.
- Xisbigu wuxuu xoojinayaa dowrka siyaasadeed iyo hogaamineed ee dhalinyarada dalka.
- Xisbigu wuxuu mudnaanta gaarka ah siinayaa dadka qaba baahida gaarka ah, sida naafada, caruurta iyo dadka la hayb sooco.
